Latest News- Gujarati

લર્નિંગ લાઈસન્સ માટે હવે આઈટીઆઈ કે પોલિટેકનિક સુધી પરીક્ષા આપવા જવું નહીં પડે. ગુજરાત સરકારના સ્ટેટ ટ્રાન્સપોર્ટ ડિપાર્ટમેન્ટે હવે લર્નિંગ લાઈસન્સ માટે ઘરે બેઠા ટેસ્ટ આપવાની વ્યવસ્થા શરૂ કરી દીધી છે.

અમદાવાદના હાથીજણમાં એક શોકિંગ ઘટના બની છે. અહીંની રાધે રેસિડન્સીમાં પાલતૂ શ્વાને ચાર મહિનાની બાળકીને બચકાં ભરી લેતા તેનું મોત થઈ ગયું છે. એક યુવતી તેના પાલતૂ શ્વાનને લઈને આંટા મારી રહી હતી ત્યારે અચાનક શ્વાને તેના હાથમાંથી છટકી હુમલો કરી દીધો હતો.

ડોનાલ્ડ ટ્ર્મ્પે સત્તામાં આવતાની સાથે જ અનડોક્યુમેન્ટેડ ઈમિગ્રન્ટ્સ સામે કાર્યવાહી શરૂ કરી દીધી હતી. હવે તો ટ્રમ્પ એડમિનિસ્ટ્રેશને લીગલી અમેરિકામાં રહેતા લોકોને પણ ટાર્ગેટ કરવાનું શરૂ કરી દીધું છે. ત્યારે કેટલાક ફેડરલ જજે એવી આશંકા વ્યક્ત કરી છે કે, આગામી દિવસોમાં ડોનાલ્ડ ટ્રમ્પ અમેરિકન સિટીઝન્સને પણ આવી કાર્યવાહીનો ભોગ બનવું પડી શકે છે.

વડનગર અને અમદાવાદના એજન્ટે યુકેના વર્ક વિઝા અપાવી દેવાનું કહીને મહેસાણાના વિસનગરના દંપતી સાથે 15 લાખ રૂપિયાની ઠગાઈ કર્યાની ફરિયાદ નોંધાઈ છે. ઠગાઈનો ભોગ બનનારાએ વિઝાનું કામ ન થતા રૂપિયા પાછા માગ્યા તો એજન્ટે આપેલા ચેક બાઉન્સ થયા હતા.

અમેરિકામાં મિશિગન પોલીસે પાર્સલ કાંડમાં વેદાંત ભૂપેન્દ્રભાઈ પટેલ નામના ગુજરાતી સ્ટૂડન્ટની ધરપકડ કરી છે. તેના પર એક કપલ પાસેથી 50 હજાર ડોલર પડાવવાના સ્કેમમાં સામેલ હોવાનો આરોપ છે. હાલ તો જેલમાં છે, પણ તેને ડિપોર્ટ કરવામાં આવી શકે છે.