Latest News- Gujarati

વિદેશમાં ઉચ્ચ અભ્યાસની વાત આવે ત્યારે ભારતીય વિદ્યાર્થીઓ માટે સૌ પ્રથમ પસંદગી અમેરિકા હોય છે પરંતુ ત્યારબાદ કેનેડાનો નંબર આવે છે. છેલ્લા કેટલાક વર્ષોમાં કેનેડા અભ્યાસ માટે જતાં ભારતીય વિદ્યાર્થીઓની સંખ્યા સતત વધી રહી છે. જોકે, હવે કેનેડાએ પોતાના વિઝાના નિયમો કડક બનાવ્યા છે અને તેના કારણે પીઆરની તકો ઘટી ગઈ છે.

અમેરિકાના ફ્લોરિડા સ્ટેટે એવો કાયદો ઘડ્યો છે જેમાં હોસ્પિટલોએ પેશન્ટને તેનું લીગલ સ્ટેટસ પૂછવાનું હોય છે. આગામી દિવસોમાં ટેક્સાસમાં પણ આવો કાયદો ઘડવામાં આવશે. હાલમાં ઘણા લોકોને બીક છે કે તેમને પરેશાન કરવામાં આવી શકે છે. જોકે, જાણકારો કહે છે કે ડરવાની જરૂર નથી, તમને લીગલ સ્ટેટસ પૂછવામાં આવે તો તમે જવાબ આપવાનો ઈનકાર કરી શકો છો.

અમેરિકામાં બે મહિનામાં ચૂંટણી આવવાની છે ત્યારે લોકોને ડેમોક્રેસીની સ્થિતિની ચિંતા સતાવે છે. લોકોનું માનવું છે કે 2024ની ચૂંટણીમાં જે પરિણામ આવશે તે લોકશાહીના ફ્યુચર માટે અત્યંત મહત્ત્વપૂર્ણ હશે. અમેરિકામાં એક સરવેમાં 50 ટકા લોકોએ કહ્યું હતું કે દેશની ઈકોનોમી મજબૂત હોય તેના કરતા પણ લોકશાહી મજબૂત હોય તે વધારે મહત્ત્વની વાત છે.

અમેરિકામાં નવેમ્બરમાં પ્રમુખ પદની ચૂંટણી યોજાવાની છે. જેમાં ડોનાલ્ડ ટ્રમ્પ અને કમલા હેરિસ વચ્ચે જંગ જામવાની છે. જોકે, આ ચૂંટણીમાં અમેરિકન હિંદુઓ ડોનાલ્ડ ટ્રમ્પનું સમર્થન કરી રહ્યા છે. તેમનું કહેવું છે કે કમલા હેરિસ ઉદારમતવાદી છે અને તેથી તેઓ તેમના જેવી વિચારસરણી ધરાવતા જજીસની નિમણૂંક કરશે. તેમણે ટ્રમ્પનું સમર્થન કર્યું છે.

અમેરિકામાં ભારતીયો વિરુદ્ધ હેટ ક્રાઈમની ઘટનાઓ વધતી જાય છે. કેટલાક સમયથી હિંદુ મંદિરો પર હુમલા વધ્યા છે જેમાં મંદિરોની દિવાલો પર વાંધાજનક લખાણ લખવામાં આવે છે. આવી ઘટનાઓથી કેલિફોર્નિયામાં હિંદુઓ અને શીખો વચ્ચે તણાવ પેદા કરવા પ્રયાસ થાય છે. જોકે, સદનસીબે લોકો ઉશ્કેરાટમાં નથી આવતા અને થોડા સમય પછી બધું શાંત પડી જાય છે.